ក្រោយពីអ្នកកំលោះ Nine Naphat និង ស្រីស្រស់ Baifern Pimchanok ប្រកាសទំនាក់ទំនងស្នេហាជាមួយគ្នាមក គេឃើញតារាប្រុសស្រីមួយគូនេះទទួលបានការគាំទ្រខ្លាំងណាស់ពីសំណាក់មហាជនក្នុង និង ក្រៅប្រទេស ជាពិសេសមហាជនម្នាក់ៗតែងទន្ទឹងអ៊ុតមើលពីរូបភាពផ្អែមល្ហែមរបស់អ្នកទាំងពីរមករហូត។
ដោយឡែក កាលពីថ្ងៃទី ១២ ខែកុម្ភៈ ឆ្នាំ ២០២៣ កន្លងទៅ ស្រាប់តែធ្វើឱ្យមហាជនរំភើបចិត្តមិនស្ទើរទេ បន្ទាប់ពីគូស្នេហ៍ថ្មីថ្មោងមួយគូនេះបង្ហាញរូបភាពផ្អែមល្ហែមកាន់ដៃគ្នាទៅញ៉ាំអាហារជប៉ុនយ៉ាងរ៉ូមេទិកនៅភោជនីយដ្ឋានមួយកន្លែង។ លើសពីនោះ អ្វីដែលធ្វើឱ្យមហាជនចាប់អារម្មណ៍ គឺអ្នកកំលោះ Nine បានប្រគល់បាច់ផ្កាកុលាបយ៉ាងស្រស់ស្អាតជូនទៅតារាស្រី Biafern ដែលធ្វើឱ្យអ្នកគាំទ្រឃើញហើយចង់លើសជាតិស្ករតាម។
ទន្ទឹមនឹងនោះ ងាកទៅមើលស្រីស្រស់ Biafern វិញ ក្រោយពីអ្នកកំលោះថ្ពាល់ខួច Nine ប្រគល់បាច់ផ្កាយ៉ាងស្រស់ស្អាត តារាស្រីរូបនេះពិតរំភើបបចិត្ត និង រីករាយជាខ្លាំង ដោយគ្រាន់តែសង្កេតមើលទឹកមុខ ខណៈដែលនាងនៅជាមួយ Nine ក៏ដឹងច្បាស់ថាស្រីស្រស់រូបនេះពោរពេញដោយក្តីសុខដែរ៕
អត្ថបទ៖ ប្រជាប្រិយ
