កាលពីថ្ងៃទី ១៤ ខែកុម្ភៈ ឆ្នាំ ២០២៣ កន្លងទៅនេះ ផ្ទុះការចាប់អារម្មណ៍ចំពោះរឿងរ៉ាវរបស់ស្រ្តីម្នាក់ ដែលបានទៅសាក់ចិញ្ចើម នៅកន្លែងមិត្តភក្តិដែលជាជាង ដោយស្ដ្រីរូបនោះ គ្រាន់តែច្រឡំបិទភ្នែកដេកមួយភ្លែតសោះ ស្រាប់តែបើកមកវិញ ឃើញសមិទ្ធផលរបស់មិត្តហើយ គាំងនិយាយមិនចេញ។
រឿងរ៉ាវមួយនេះ បានកើតឡើងនាខេត្តផេចៈប៊ូន ប្រទេសថៃ ដែលមានគណនីហ្វេសប៊ុកមួយបានចែកចាយរូបភាពរបស់ស្រ្តីម្នាក់ ទើបតែសាក់ចិញ្ចើមហើយថ្មីៗ ឃើញពិតជាហួសចិត្តខ្លាំងណាស់ ព្រោះចិញ្ចើមធំខ្លាំង មិនត្រូវក្បួនខ្នាតតែម្តង។
ដោយឡែក បើតាមស្រ្តីខាងលើបានរៀបរាប់ឱ្យដឹងថា ជាងដែលសាក់ចិញ្ចើមឱ្យខ្លួននេះ ទើបតែស្គាល់គ្នាជាមិត្តដោយសារការផឹកស៊ីជាមួយគ្នា កាលពី ២ សប្តាហ៍មុននេះឯង។ ក្រោយមកមិត្តរូបនេះ បានសាក់ចិញ្ចើមឱ្យខ្លួនក្នុងតម្លៃថោកៗប្រហែលជា ២០ ដុល្លារប៉ុណ្ណោះ ហើយខណៈកំពុងសាក់នោះ ខ្លួនក៏បានបិទភ្នែកដេកទៅមួយភ្លែត បើកមកវិញ ក៏បានចិញ្ចើមដូចជាក្នុងរូបនេះ ខ្លួនហួសចិត្តជាខ្លាំង គឺពិតជាធ្វើឱ្យបាត់បង់ទំនុកចិត្តណាស់។
យ៉ាងណាមិញ ចុងក្រោយស្ត្រីរូបនេះ ក៏បានទៅរកគ្លីនិក កែសម្ផស្ស ដើម្បីឱ្យគេជួយកែកុនឱ្យថ្មីផងដែរ ដែលមើលទៅត្រូវឆ្លងកាត់ដំណាក់កាលលុបច្រើនដងណាស់ ហើយក៏សង្ឃឹមថា វានឹងមានភាពស្រស់ស្អាតជាងមុនដូចគ្នា៕
ប្រភព៖ ប្រជាប្រិយ
