ខណៈនេះករណីរ បា ត់ ខ្លួននៅទន្លេចៅផាយ៉ារបស់តារាសម្ដែងស្រី Tangmo ហាក់កំពុងតែកក្រើកខ្លាំងនៅលើបណ្ដាញសង្គម។ ចាប់ពីវេលាម៉ោង ២២ និង ៤០ នាទីយប់ថ្ងៃទី ២៤ ខែកុម្ភៈ ឆ្នាំ២០២២ មកទល់វេលារសៀលថ្ងៃទី២៦ ខែកុម្ភៈ ឆ្នាំ២០២២ នេះ ក្រុមអ្នកជួយសង្គ្រោះបានរកឃើញសពរបស់តារាស្រី Tangmo ហេីយ។
ដោយឡែកថ្មីៗ នេះ ក្រុមប៉ូលិសស៊ើបអង្កេត ក៏ដូចជាសារព័ត៌មានថៃបានទម្លាយរូបភាព និង សកម្មភាពរបស់តារាស្រី Tangmo មុនពេលកើតហេតុតាមរយៈកាំមេរ៉ាសុវត្ថិភាព។ ក្នុងវីដេអូនោះ សកម្មភាពរបស់តារាស្រីTangmo និង មិត្តភក្តិនៅផែទូក បានដើរចេញពីឡានសំដៅឡើងទៅលើទូក នៅវេលាម៉ោង ១៦ និង ៣០ នាទី រលៀលថ្ងៃទី ២៤ ខែ កុម្ភៈ ឆ្នាំ ២០២២។
ស្ថិតក្នុងសកម្មភាពនៃវីដេអូ គេឃើញថាមុនកើតហេតុតារាស្រី Tangmo បានស្លៀកនៅសំពត់ពណ៌ស អាវវាលដៃខាងក្នុង និង អាវក្រៅពណ៌ត្នោតស្រាល ព្រមទាំងការបូបយួរដៃមួុយរីឯមិត្តភក្តិនាងពាក់រ៉ូបពណ៌ត្នោតស្រាល មានពាក់វែនតា ស្បែកជើងកែង និង អាវក្រៅពណ៌ទឹកសមុទ្រ និង មានកាន់កាបូបយួរដៃមួយផងដែរ៕
សូមទស្សនាវីដេអូខាងក្រោម៖
