កាលពីពេលថ្មីៗនេះ គេបានឃើញបុរសម្នាក់ សុំមិនបញ្ចេញឈ្មោះ បានបង្ហោះរូបភាពរបស់ខ្លួន រួមជាមួយ អ្នកនាង ដេត ម៉ាលីណា ដែលជាអតីតភរិយា របស់លោក ឌួង ឆាយ បានភ្ជាប់សារដ៏គួរឲ្យចាប់អារម្មណ៍បែបនេះថា៖
“មុននឹងបងសំរេចចិត្តថា (រូបនាគ) បងផុសរូបអូនម្តងនេះ គឺបងបានសំរេចចិត្តថាព្រមទទួលបញ្ហាគ្រប់បែបយ៉ាងទំាងអស់ (ហង្សហើយនិងនាគ គឺជាគូពីបុព្វេមក ជឿបងចុះ ស្អីក៏បងមិនខ្លាចដែរ តែបងខ្លាចតែម្យ៉ាងគត់ គឺបងខ្លាចតែអូនយំនឹងហ្មងមែនតាស់) បងមិនមែនជាមនុស្សពូកែ ឬក៏អស្ចារ្យស្អីនោះទេ គ្រាន់តែបងជាមនុស្សដែលមិនងាយចុះចាញ់គេងាយៗ (រូបនាគ)” ។
ក្រោយមកទៀត ស្រាប់តែ អ្នកនាង ដេត ម៉ាលីណា បានតបទៅវិញនាថ្ងៃទី១២ ខែកញ្ញា ឆ្នាំ២០២១ នេះ ដោយសរសេរប្រាប់ថា៖ “ថ្ងៃនេះមានរឿងចង់និយាយតេីបងប្អូនពូមីង គិតយ៉ាងម៉េចដែរហេីយចំពោះរឿងហង្សនិងនាគ តេីម្នាក់ណាជាហង្សម្នាក់ណាជានាគ? ហេីយរឿងមួយទៀតដែលគាត់និយាយថានិងមិនធ្វេីអោយខ្ញុំយំ ហេីយខ្ញុំចង់ប្រាប់គាត់ថាខ្ញុំឥឡូវយំមិនចេញទឹកភ្នែកទេ”។
មិនទាន់ចប់ នាថ្ងៃដដែលផងនេះ អ្នកនាង ដេត ម៉ាលីណា ក៏បានបង្ហោះរូបភាពមួយសន្លឹក ដោយនៅក្នុងដៃរបស់អ្នកនាង កាន់បង្កង ហើយថែមទាំងនិយាយយ៉ាងខ្លីបែបនេះថា៖ “ចង់ញាំបង្កង រឺក៏ចង់ញាំហង្ស”។
យ៉ាងណាមិញ ក្រោយឃើញការឆ្លើយតបរបស់អ្នកនាង ដេត ម៉ាលីណា ចប់ភ្លាម ធ្វើឲ្យហ្វេនៗរបស់អ្នកនាង បានទម្លាយអារម្មណ៍ពិតចេញមកថា៖ “ឃេីញហេីយហួសថ្លែង, ញាំបង្កងហេីយ គ្មានសំណាងបានញាំហង្សរ៉េ, សម្ដីមាសបង, ចេះកំប្លែងទៀតចេៗ, ចេះដុតទៀតជំទាវបង, មានន័យណាស់, សុំគាំងយោបលហេីយជែ, គាំងហេីយ បង”៕ ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ៖
